Paalam

Dahong natutuyo

damong tumutubo

pag-ibig na nabuo

unti-unting naglalaho

halakhak ang ganti

ngiting kay laki

mata ang saksi

sa iyong pagpupunyagi

pusong mag-isa

puno ng kaba

patak ng luha

naririnig mo ba

bingi sa kasinungalingan

pipe sa nararamdaman

bulag sa namamasdan

manhid sa katotohanan

ititigil ang kabaliwan

pusong sugatan

tinapon ng harapharapan

ng walang pagaalinlangan

magpapaalam muli

ang pusong sawi

hanggang sa huli

ikaw parin ang sanhi.